"Chelsi" klubi raxbariyati Villash-Boashni iste'fosidan so'ng klub bosh murabbiylik kursisiga Joze Mourinyuni taklif etishga jiddiy bel bog'lagan ko'rinadi.Daily Mail nashrini xabar berishicha "Special One" "Chelsi" ni boshqarishga tayor faqatgina uning shartlari bajarilsa.Birinchidan u yilliga 12 mln funt sterling maosh olmoqchi,ikkinchidan esa Ronalduni shu yil yozdayoq "Chelsi" sotib olishi kerak.Agar Mourinyuning ushbu talablari bajarilsa u yana Londonga qaytishga tayor.Voqealar rivojini esa vaqt ko'rsatadi lekin oldindan aytib o'tish joizki "aristokratlar" ning deyarli barcha fanatlari "Special One" klubga qaytishini xoxlamoqda
Чемпионлар лигаси 1/8 финал жавоб учрашувлари доирасидаги яна бир учрашув Лондонда ниҳоясига етди.
Унда "Челси" ҳамда "Наполи" клублари ўзаро куч синашди. Муросасиз кечган мазкур баҳсда 4:1 ҳисоби қайд этилди. 105-дақиқада Иванович ғалаба тўпини киритиб, жамоасини кейинги босқичга олиб чиқди.
Чемпионлар лигаси, 1/8 финал "Челси" Англия – "Наполи" Италия – 4:1 Голлар: 1:0 – Дрогба (28), 2:0 – Терри (47), 2:1 – Инлер (55), 3:1 – Лэмпард (75, пенальти), 4:1 – Иванович (105). ЧЕЛСИ: Чех, Иванович, Давид Луиз, Терри (Босингва, 98), Э.Коул, Рамирес, Эссьен, Лэмпард, Мата (Малуда, 95), Старридж (Торрес, 63), Дрогба. НАПОЛИ: Де Санктис, Суньига, П.Каннаваро, Кампаньяро, Ароника (Варгас, 110), Гаргано, Гамшик (Панде
... Читать дальше »
Мадриднинг "Реал" клуби бош мураббийи Жозе Моуриньо жамоанинг бразилиялик ярим ҳимоячиси Кака шаънига бир қатор илиқ гапларни айтиб ўтди. Португалиялик мураббийнинг таъкидлашича, бразилиялик футболчи жуда яхши ўйин намойиш қилган экан.
"Кака жуда ажойиб ўйин намойиш қилди. У ҳали ҳеч қачон бу қадар катта ҳажмдаги ишни бажармаган эди. Табиийки, бундай ҳолатда иккинчи бўлим охирларига бориб, чарчаб қолди.
Биринчи бўлимдаги барча яхши вазиятлар айнан унинг хизмати эвазига содир қилинган эди", дейди Моуриньо.
"Челси" клуби ярим ҳимоячиси Фрэнк Лэмпард "Наполи"га қарши кечган учрашувдан кейин ўзининг фикрлари билан ўртоқлашди.
"Ҳозир биз "Наполи" устидан қозонилган ғалабадан лаззатланяпмиз. Жума куни бўлса рақибимизни билиб оламиз.
"Барселона" ва "Реал" - улкан жамоалардир. Аммо, биз ҳам ёмон ўйин кўрсатмадик. Агар шу зайлда ўйнасак, бизга улар ҳам қўрқинчли бўлмайди. Мен испан клубларига ҳурмат билан қарайман", - дейди ITV нашри Лэмпард сўзларидан парча келтириб.
Одил Аҳмедов Россияга Осиё кубоги-2011нинг энг яхши футболчиларидан бири сифатида Россия чемпионатига йўл олганди. Бир йил ичида у "Анжи" мухлисларининг энг севимли футболчиларидан бирига айланиш билан бирга, клубда Это'О, Карлос, Жирков каби футболчилари бўлишига қарамай, жамоанинг 2011 йилдаги энг яхши футболчиси деб тан олинди. "Советский спорт" нашри мухбири у билан суҳбатлашишга қарор қилди.
Қизиқ томони, "Советский спорт" мухбири ундан интервью олишни мақсад қилганини бошқа ҳамкасбига айтганида, "Мен бу футболчининг қиёфаси қандай эканини яхши билмайман!", деди. Ҳа, Одил ташқи кўриниши билан ёдда қолмас, аммо унинг ўйини...
— "17 йиллик фаолиятим давомида бундайин камтар футболчини учратмаганман, — дейди "Анжи" клубининг ташкилий бўлими директори Дмитрий Балашов. — У умуман овозини кўтариб гапирмайди. Ҳеч қандай ортиқча сўз айтмайди. Уни ҳаётда кўриб, майдонда шиддат билан ўйнашига, ҳар бир қарич ер учун охиригача курашишига мутлақо ишонмайсан".
— Ҳаётда қайсар ва сурбет бўлишдан нима фойда? — ҳайрон бўлади Аҳмедов, 20 дақиқадан кейин суҳбатдошининг ёнига, креслога ўтирар экан. — Инсонларнинг жаҳлини чиқариш учунми? Майдонда ўжар бўлиш керак. Валерий Кузьмич Непомняший
... Читать дальше »
"Анжи" клубининг ўйновчи мураббийи Роберто Карлос AS газетасига берган интервьюсида жамоа ва унинг хўжайини Сулейман Керимов ҳақида гапириб ўтди.
Бразилиялик футболчининг таъкидлашича, янги хўжайин келгандан сўнг, жамоа фаолиятида яхши томонга кескин бурилишлар бўлибди.
"Саккиз ой олдан "Анжи" ҳеч қандай тизими бўлмаган оддий клуб эди. Сулейман Керимовнинг келишидан ва менинг саъй-ҳаракатларимидан сўнг кўп нарсалар ўзгарди. Мен чет элдаги ташкилотлар ва спорт директорлари билан алоқага чиқдим. Энди бизнинг ишларимиз яхши.
Клубда футболчилар тинчгина ўйнашлари учун барча шароитлар муҳайё қилинган. Авваллари уларнинг ойликлари кам эди, энди бўлса, янги шарт-шароитларда улар билан келишувга эришилди. Сулейман Керимов футболчиларга керакли бўлган барча нарсалар билан таъминламоқда", - дейди Карлос интервьюси чоғида.
Россия чемпионатининг 21-турида Одил Аҳмедовнинг жамоаси – "Анжи” ўз уйида Москва динамочиларини қабул қилди. Муросасиз кечган баҳс махачқалъаликларнинг 2:1 ҳисобидаги ғалабаси билан якунланди.
Аввалига Буссуфа 22-дақиқада "Анжи”ни олдинга олиб чиқди. 44-дақиқага келиб Воронин мувозанатни тиклади. 2-бўлимнинг 71-дақиқасида "Анжи” футболчиси Прудников томонидан киритилган гол ўйин охирисигача ўзгармади ва доғистонликлар ғалабага эришишди. Учрашувда терма жамоамиз аъзоси 90 дақиқа ҳаракат қилди. Доғистонликлар ушбу ғалабадан кейин 36 очко билан 4-ўринда боришмоқда.
"Барселона" клуби яримс ҳимоячиси Сеск Фабрегас жамоа сардори Карлос Пуйолнинг шаънига бисотидаги бор илиқ гапларини ёғдириб юборди.
Фабрегаснинг сўзларига кўра, Пуйоль нафақат спортчи, балки инсон сифатида ҳам ҳурматга лойиқ экан.
"Пуйол менинг яқин дўстим. У майдонда ҳам, майдон ташқарисида ҳам ҳақиқий сардор. ЖАРда ўтган жаҳон чемпионати пайтида жамоанинг асосий таркибидан жой олмагач, қаттиқ тушкунликка тушиб қолган эдим. Пуйол эса ҳар куни менинг хонамга кирар ва менга руҳий далда беришга уринар эди. Мен мусобақанинг финал учрашувида майдонга тушдим ва шундан сўнг у менинг ёнимга келиб, "Мана кўрдингми, инсон қанчалик ўзиги ишониши лозим деди", — дейди Фабрегас AS нашрига берган интервьюси чоғида.