Россия чемпионатининг 21-турида Одил Аҳмедовнинг жамоаси – "Анжи” ўз уйида Москва динамочиларини қабул қилди. Муросасиз кечган баҳс махачқалъаликларнинг 2:1 ҳисобидаги ғалабаси билан якунланди.

Аввалига Буссуфа 22-дақиқада "Анжи”ни олдинга олиб чиқди. 44-дақиқага келиб Воронин мувозанатни тиклади. 2-бўлимнинг 71-дақиқасида "Анжи” футболчиси Прудников томонидан киритилган гол ўйин охирисигача ўзгармади ва доғистонликлар ғалабага эришишди. Учрашувда терма жамоамиз аъзоси 90 дақиқа ҳаракат қилди. Доғистонликлар ушбу ғалабадан кейин 36 очко билан 4-ўринда боришмоқда.

АНЖИ – ДИНАМО – 2:1 (1:1)

Голлар: 1:0 – Буссуфа (22), 1:1 – Воронин (44), 2:1 – Прудников (71).

АНЖИ: Ревишвили, Ж.Карлос, Тагирбеков, Гаджибеков (Ал.Иванов, 46), Р.Карлос, Буссуфа, Жужак (Голенда, 78), Ангбва, АҲМЕДОВ, Жирков, Прудников.

ДИНАМО: Шунин, Уилкшир (Мисимович, 79), Ломич, Фернандес, Гранат, Семшов, Юсупов (Ропотан, 46), Самедов, Кураньи, Воронин, Кокорин.

Огоҳлантиришлар: Юсупов (41), Кураньи (55), Ломич (70), Гранат (85).

Манба: www.Fk.uz

"Барселона" клуби яримс ҳимоячиси Сеск Фабрегас жамоа сардори Карлос Пуйолнинг шаънига бисотидаги бор илиқ гапларини ёғдириб юборди.

Фабрегаснинг сўзларига кўра, Пуйоль нафақат спортчи, балки инсон сифатида ҳам ҳурматга лойиқ экан.

"Пуйол менинг яқин дўстим. У майдонда ҳам, майдон ташқарисида ҳам ҳақиқий сардор. ЖАРда ўтган жаҳон чемпионати пайтида жамоанинг асосий таркибидан жой олмагач, қаттиқ тушкунликка тушиб қолган эдим. Пуйол эса ҳар куни менинг хонамга кирар ва менга руҳий далда беришга уринар эди. Мен мусобақанинг финал учрашувида майдонга тушдим ва шундан сўнг у менинг ёнимга келиб, "Мана кўрдингми, инсон қанчалик ўзиги ишониши лозим деди", — дейди Фабрегас AS нашрига берган интервьюси чоғида.

Манба: www.championat.com