Жозе Моуриньо («Реал» бош мураббийи): -Бугун биз ғалаба қозонишимиз шарт эди ва ҳаммамиз буни ич-ичимиздан ҳис қилиб тургандик. «Лион» тўсиғи» деб аталган нохуш анъанага нуқта қўя олганимиздан мамнунман. Озил, Роналду ва Бенземанинг майдондаги хатти-ҳаракатларидан тўла қониқдим. Аммо учрашувдаги ҳакамлик холис бўлмади. Тўп футболчиларимда бўлган паллаларда рақиблар уларга қарши ўта кескин ўйнашди. Негадир ҳакамлар бунга эътибор қаратишни лозим топишмади. Бизникилар салгина қўполлик қилса, дарҳол сариқ карточка билан «сийланишди». Кейинги босқичда ким рақибимиз бўлишининг аҳамияти йўқ. «Реал» ҳар қандай ҳолатда ҳам фақат энг юксак мақсад учун курашади. Клод Пюэль («Лион» бош мураббийи): -Аввал ҳам айтганимдай, «Реал»ни фақатгина жамоавий ўйин ҳисобига енгиш мумкин эди. Афсуски, шогирдларим бу вазифани уддалай олишмади. Иккинчи тўп дарвозамиздан ўрин олгач, футболчилардаги иштиёқ йўқолиб қолди. Нима бўлганда ҳам, улардан миннатдорман. Мен учун энг ачинарлиси, Франциянинг бирорта жамоаси чорак финалга чиқолмагани бўлди...