13 август куни мамлакатимизнинг бир нечта стадионларида футбол бўйича Ўзбекистон 20-миллий чемпионатининг 16-тур ўйинлари бўлиб ўтади.
Турнинг марказий ўйинларидан бири сифатида эътироф этилаётган "Пахтакор” – "Шўртан” жамоалари учрашув кўпчиликнинг диққат марказида тургани табиий.
Куни кеча Ўзбекистон Профессионал Футбол Лигасининг "Ҳакамлар ва назоратчилар қўмитаси” томонидан ушбу баҳсни бошқариб борадиган ҳакамлар бригадаси эълон қилинди.
"Пахтакор” – "Шўртан” жамоалари ўртасидаги баҳсни тошкентлик ҳакамлар бошқариб боришадиган бўлди. Бош ҳакамлик вазифаси Рустам Саидовга топширилди. Унга қанотларда Олег Дачев ва Алексей Мироновлар ёрдам бериб боришади.
Марказий учрашувни Сайфиддин Эрматов назорат қилиб боради.