Мадриднинг "Реал" жамоасида танилган ва афсонавий футболчи даражасига чиққан ва айни вақтда Германиянинг "Шальке-04" клубида фаолият олиб бораётган Рауль гельхенкирхенликлар билан амалда бўлган шартномаси муддатини яна узайтиришга қарор қилди.
Ҳужумчи билан клуб ўртасида имзоланган шартнома 2014 йилга қадар давом этиши кўзда тутилган. Рауль ўтаётган мавсумда "Шальке-04" сафида 38 та учрашувда майдонга тушган ва ўн бешта гол уришга муваффақ бўлган.
Агарда, футболчи ушбу шартнома муддати якунига етгунга қадар "Шальке"да қоладиган бўлса, 37 ёшига қадар профессионал фаолият юритган бўлади. Табиийки, бундай вақтда, футболчи томонидан шу вақтга қадар ўрнатилган рекордлар ҳажмининг янада ошишини кутсак бўлса керак.