Агар "Реал" Испания Кубогини ютадиган бўлса, шу оқшомдаёқ "Сибелес" майдонида муҳлислари билан бу ютуқни байрамини ўтказмоқчи.
"Бланкос" раҳбарияти "Месталья"да бўлиб ўтадиган Қирол Кубоги финалидаги ғалабани нишонлаш учун барча ишларни амалга оширмоқда. Айтиб ўтиш жоиз, "Реал" сўнгги бора Кубокни 1993 йилда қўлга киритган, "Барселона" эса 25-чи кубогини икки йил олдин қўлга киритганди.
Marca газетасининг айтишича, ғалабадан сўнг мадридликлар дарҳол пойтахтга учишади ва таҳминан кечаси иккида жамоа муҳлисларга қўшилади ва 300 минг фанат қаршисида совринни нишонлайди. Футболчилар қаторида Флорентино Перес ва Мигель Пардеса ҳам бўлишади.
Дастлаб Жозе Моуриньо бундай ишларга қарши эди, аммо оҳир оқибат футболчиларнинг руҳиятини кўтариш учун бунга рози бўлди. Пайшанба куниёқ португалиялик мураббий футболчиларни машғулотлар базасида кутадиган бўлди.