«Анжи» сардори, бразилиялик таниқли ҳимоячи Роберто Карлос «СЭ» нашри мухбири билан суҳбатда дебют ўйинидаги таассуротлари ҳақида гапириб берди.
- Махачқалъада маҳаллий мухлислар илиқ кутиб олишганидан беҳад ҳайратландим,-деди у суҳбат аввалида. - Қолаверса, ўйиндан олдин, унинг давомида ва финал ҳуштаги янграганидан сўнг ҳам ишқибозлар қўллаб-қувватлашларини ҳис қилиб турдик, ҳатто ғалаба қозонолмаганимизга қарамай.
- Махачқалъадаги икки кун давомида мухлисларга қанча дастхат улашдим, деб ўйлайсиз?
- Ҳисоб-китоб қилмадим. Лекин жуда кўп. Айтмоқчи, наинки мен, балки бош-қа жамоадошларим ҳам ишқибозларга дастхат беришди. Кўриниб турибдики, бизнинг жамоамизга, умуман, республикада футболга қизиқиш кучли.
- Доғистонлик ишқибозлар қандай экан?
- Улар бразилияликларга ўхшашаркан. Худди ҳамюртларим каби тинмай, шовқин чиқариб ишқибозлик қилишаркан. Худди шундай мухлисликка «Палмейрас» ва «Коринтианс» трибуналарида гувоҳ бўлганман. Фақат бу клубларнинг стадионлари каттароқ.
- Мана, 20 йилдирки, катта футболдасиз. Сиз билан суратга тушиш ихлосмандлари кўплигидан чарчамадингизми?
- Йўқ, нималар деяпсиз? Бу касбимнинг бир бўлаги. Агар одамлар эсдалик учун мен билан суратга тушмоқчи эканлар, нега энди рад этишим керак? Бу иш менга қийинчилик туғдирмайди.
- Ўйин ҳақида қандай фикрдасиз?
- Ёмон ўйнмадик, ҳар ҳолда, ғалабага ҳақли эдик. Лекин... Буни ҳеч қандай қўрқинчли жойи йўқ, кейинги ўйинларда ғалаба қозонишга ҳаракат қиламиз.
- Россия чемпиони «Зенит»ни ҳам ютасизларми?
- Нега йўқ экан? Бу жамоа билан кубок баҳсида тўқнаш келгандик.
- «Краснодар» билан ўйиндан сўнг қандай машғулотларда банд бўлдингиз?
- Клуб раҳбарлари ва бир неча футболчилар билан самолётда Москвага учдик (шанба куни Сулаймон Керимов 45 ёшга тўлди - IF.). Лекин пойтахтни томоша қилиш имконияти бўлмади, негаки, якшанба куни Махачқалъага қайтдик. «Зенит»га қарши учрашувга Туркияда тайёргарлик кўрамиз.
Манба: "ИнтерФУТБОЛ" газетаси.