Мадриднинг "Реал” жамоаси вингери Криштиану Роналду Испания ла-лигасининг 29-турида Мадриднинг бошқа бир жамоаси "Атлетико”га қарши учрашув пайтида жароҳат олиб сафдан чиқди. "Реал” Мадрид расмий сайти ҳам бу хабарни тасдиқлаган.
Роналду учрашувнинг 72-дақиқасида чап сонининг мушакларини шикастлаб олган. Тиббий муолажалардан сўнг яна майдонга қайтган футболчи оёғида оғриқ сеза бошлади ва 77-дақиқага келиб уни алмаштиришга тўғри келган.
Демак, Криштиану Роналду Португалия терма жамоасининг яқин кунлардаги учрашувлари ва Чемпионлар Лигасининг 5-апрел куни бўлиб ўтадиган "Тоттенхэм”га қарши дастлабки учрашувини ўтказиб юборадиган бўлди.
Шунингдек учрашув пайтида "Реал”нинг яна бир португалиялик легионери Рикардо Карвальолар ҳам жароҳат олган. Бироқ ҳимоячининг жароҳати унчалик жиддий деб баҳоланмаяпти.
