Фото: «Насаф» яримҳимоячиси Фозил Мусаев «Пахтакор»га қарши ўтган йилги ўйинда қизил карточка олгани учун «Динамо»га қарши 2012 йилнинг биринчи учрашувида майдонга туша олмади.

Тартиб-интизом қўмитасининг 2011 йил декабрь ойида бўлиб ўтган сўнгги йиғилишида қабул қилинган қарорларни яна бир бор эслатиб ўтамиз.

Олий Лига
«Пахтакор»га қарши 25-тур учрашувида, тўпга эгалик қилмаётган рақиби оёғига қасддан зарба бергани учун майдондан четлатилган «Олмалиқ» ҳужумчиси Александр Востриков учта ўйинга дисквалификация қилинган ва жаримага тортилган.
«Металлург»га қарши 25-тур учрашувида рақибига қўл билан зарба бергани учун майдондан четлатилган «Нефтчи» ҳужумчиси Анвар Бердиев учта ўйинга дисквалификация қилинган ва жаримага тортилган.
«Насаф»га қарши 23-тур учрашувида тажовузкор ҳулқи учун майдондан четлатилган «Пахтакор» ҳужумчиси Фарҳод Тожиев иккита учрашувга дисквалификация қилинган ва жаримага тортилган.
«Пахтакор»га қарши 23-тур учрашувида тажовузкор ҳулқи учун майдондан четлатилган «Насаф» яримҳимоячиси Фозил Мусаев иккита учрашувга дисквалификация қилинган ва жаримага тортилган.



Ёшлар биринчилиги
«Бухоро»га қарши 25-тур учрашувида ўйин бош ҳаками шаънига номаъқул сўзларни айтгани учун майдондан четлатилган «Динамо» ҳужумчиси Виктор Клишин учта ўйинга дисквалификация қилинган.
«Металлург»га қарши 26-тур учрашувида рақибига қўл билан зарба бергани учун майдондан четлатилган «Навбаҳор» яримҳимоячиси Элмурод Сотиболдиев учта учрашувга дисквалификация қилинган.
«Андижон»га қарши 26-тур учрашувида тажовузкор ҳулқи учун майдондан четлатилган «Насаф» ҳужумчиси Азиз Маликов учта ўйинга дисквалификация қилинган.
«Насаф»га қарши 26-тур учрашувида тажовузкор ҳулқи учун майдондан четлатилган «Андижон» ҳимоячиси Жўрабек Ёқубов иккита ўйинга дисквалификация қилинган.
«Пахтакор»га қарши 26-тур учрашувида рақиби оёғига қасддан зарба бергани учун майдондан четлатилган «Қизилқум» яримҳимоячиси Хуршид Шодиев учта ўйинга дисквалификация қилинган.