«Ливерпуль» бош мураббийи Кенни Далглиш шогирди Стивен Жеррардни бутунлай тузатиб, кейинчалик майдонга туширмоқчи.

«Бизга ўйиндан кўра Жеррардни соғлиғи муҳим. Аввал ҳам айтганимдек, унинг ўйиндаги иштироки ўша пайтдаги ҳолатига боғлиқ. Жераррд майдонга тушишга 100% тайёр бўлсагина, кейин ўйнатаман», - деди Далглиш «Ливерпуль» расмий сайтига берган интервьюси чоғида.

Эслатиб ўтамиз, «Ливерпуль»ни 1 октябрь куни муҳим ўйинлардан бири кутиб турибди. «Қизиллар» ҳамшаҳари бўлмиш «Эвертон»га қарши баҳс олиб боришади.

Манба: www.sports.ru

"Анжи" клубининг ўйновчи мураббийи Роберто Карлос AS газетасига берган интервьюсида жамоа ва унинг хўжайини Сулейман Керимов ҳақида гапириб ўтди.

Бразилиялик футболчининг таъкидлашича, янги хўжайин келгандан сўнг, жамоа фаолиятида яхши томонга кескин бурилишлар бўлибди.

"Саккиз ой олдан "Анжи" ҳеч қандай тизими бўлмаган оддий клуб эди. Сулейман Керимовнинг келишидан ва менинг саъй-ҳаракатларимидан сўнг кўп нарсалар ўзгарди. Мен чет элдаги ташкилотлар ва спорт директорлари билан алоқага чиқдим. Энди бизнинг ишларимиз яхши.

Клубда футболчилар тинчгина ўйнашлари учун барча шароитлар муҳайё қилинган. Авваллари уларнинг ойликлари кам эди, энди бўлса, янги шарт-шароитларда улар билан келишувга эришилди. Сулейман Керимов футболчиларга керакли бўлган барча нарсалар билан таъминламоқда", - дейди Карлос интервьюси чоғида.

Манба: www.championat.com