Испания термаси ва "Челси" клуби ҳужумчиси Фернандо Торрес Италияга қарши ўртоқлик ўйинида жароҳат олди ва 15-дақиқада алмаштирилди. Чунки, унинг миясида чайқалиш юз берган, деб хабар беради AS нашри. Шундан кейин ўйинчини дарҳол Баридаги шифохоналардан бирига жўнатишган. У ерда Торрес бир қанча тиббий текширувлардан ўтган.
Бу ўйинда жароҳат олган яна бир футболчи Херард Пикенинг ҳолатига келсак, унинг жароҳати жиддий эмас. Мураббийлар штаби унинг соғлиғини хавф остида қолдирмаслик учун уни алмаштиришга қарор қилганлар. Футболчи ўйингача оёқ мушакларида оғриқни ҳис этган, лекин ҳимоячилар етишмаслиги учун майдонга тушишга мажбур бўлганди. Пике 45 дақиқа ўйнади ва оғриқ кучайгандан кейин қўллари билан ишора қилиб уни алмаштиришларини сўради.