Антонио Валенсия узоқ кутилган вақтдан кейин Англия кубоги чорак финал бахсида "Арсенал”га қарши иккинчи бўлимдан майдонга тушди.
Эквадорлик ярим ҳимоячи сентябрь ойида чемпионлар лигаси бахсида "Рейнджерс”га қарши ўтган учрашувда оғир жароҳат олганидан кейин, 6 ойдан бери майдонга туша олмаётган эди.
Шуниси аниқки, ўз спорт формасини яна бошидан қайта тиклаш жуда қийин кечган. Бундай ёш футболчи учун нафақат жисмоний, балки рухий жиҳатдан ҳам бу жуда қийин жараён бўлганлиги аниқ.
Учрашув олдидан унинг жамоадошлари Фергюсон майдонга Антониони тушириши ёки йўқлигидан бехабар эдилар.
"Мен Антонио майдонга чиқиш ёки йўқлигини билмайман.Агар чиқадиган бўлса, жуда зўр иш бўлган бўларди. Чунки у 6 ойдан буён майдонда йўқ ва у ҳозир бизга жуда ҳам керак. Умид қиламан, у тез орада ўзининг аъло даражадаги спорт формасини тиклай олади”.
Бу ҳамма изохлар учрашув олдидан айтиб ўтилган эди ва учрашувнинг қандай кечишини ҳеч ким билмасди. Антонио тўлиқ иккинчи бўлимни ўтказгандан сўнг, сэр Алекс қуйидагича фикрларни билдириб ўтди.
"У оддийгина қилиб айтганда, фантастик ҳолда ва мени унга имконият бермасдан бошқа иложим йўқ эди”.
"Тўғрисини айтсам, мен унинг дебюти бироз ёмонроқ бўлса керак деб ўйлаган эдим. Аммо у яхшигина спорт форма тиклай олганини ҳаммага намойиш эта олди. У тезлиги ва техникасини йўқотмабди. У роса керакли вақтида тузалди-да ўзиям”, - демоқда Фергюсон.