Кеча "К Лига" Кубоги учрашувларига старт берилди. Жанубий Корея нафақат ўз миллий чемпионати, балки кубок ўйинларини ўтказиш тартиби бўйича ҳам бошқа мамлакатлардан ажралиб туради.
Бу ерда кубок учрашувлари иккита гуруҳга бўлинган ҳолда, чемпионат шаклида ўтказилади. "А" ва "Б" гуруҳларида жами 6та жамоа гуруҳ ғолиблиги учун кураш олиб борадилар. Темур Кападзенинг жамоаси "Инчеон Юнайтед" "А" гуруҳидан ўрин олган. Кеча ҳамюртимизнинг жамоаси "Даежеон Китизен" клубига қарши баҳс олиб борди ва 3:0 ҳисобида ғалаба қозонди. Учрашувдаги сўнгги голга Ўзбекистон терма жамоаси сафида энг кўп учрашувда майдонга тушган Темур Кападзе муаллифлик қилди. Манба: Чемпионат.уз
Италия А сериясининг пешқадами бўлиб турган "Милан" жамоаси ўз сафини Каталониянинг "Барселона" клуби ҳимоячиси бразилиялик Максвелл билан тўлдириш ниятида. Бу ҳақда Италиянинг Tuttosport нашри хабар тарқатди.
Каталонияликлар сафида кам майдонга чиқаётган футболчи шу йилнинг ёзидаёқ Миланга кўчиб ўтиши мумкин. Миланликлар раҳбарияти кутилган ўйинни намойиш қила олмаган Урби Эмануэлсон ва Дидаку Вилеларнинг ўрнига айнан Максвелл номзодини кўтариб чиқишмоқда.
Италия ОАВининг маълум қилишича, Массимилиано Аллегри агар бразил футболчиси қўлга кирита олмаса, яна бир номзод сифатида "Олимпик" (Марсел) ҳимоячиси Тайе Тайвони клубга олиб келиши мумкин экан.
Қайд этиб ўтиш жоиз, агар Максвелл "Милан"га ўтадиган бўлса, сўнгги йилларда "Интер" - "Барселона" - "Милан" маршрути бўйича ҳаракат қилган иккинчи футболчига айланади. Бундан олдин ўтган мавсумда Златан Иброҳимович айнан мана шу йўналишда ҳаракат қилганди.
Ўзбекистон Футбол Федерацияси Ўзбекистоннинг футбол клублари ва мусобақаларини идора этувчи ташкилотидир.
Футбол - Ўзбекистондаги маданий ҳаётнинг ажралмас қисмидир. О`збек футболининг тарихи чуқур ва мустаҳкам илдизга эга бўлиб, бу илдизлар ХХ аср бошларига бориб тақалади. 1912-йилдаёқ, ҳозирга келиб «Миллионлар ўйини» деб аталаётган мазкур ўйин «касаллиги» билан Фарг`она ва Қо`қоннинг бутун аҳолиси «оғриган» эди. Ўзбек футболи тарихидаги илк жамоа ҳам айнан шу воҳада пайдо бўлгани ҳам фикрлар исботидир. Шундан сўнг, Самарқанд, Тошкент, Андижон, Наманган ҳамда Ўзбекистоннинг бошқа шаҳарларида турли футбол клублари пайдо бўла бошлади. Ўтган асрнинг 20-йиллари ўрталарига келиб, мамлакат биринчилиги бахслари ҳам ўтказила бошлади.
1928-йилда Ўзбекистон Миллий терма жамоаси асос солинди. Ўша кезларда энди ташкил этилган жамоа Москвада ўтган спартакиада бахсларида ўзига ҳос натижаларни қайд этди.
30-йилларга келиб, ўзбекистонлик футболчилар халқаро ўйинлар доирасида биринчи ғалабани нишонлашди. Ҳаваскор футболчилардан ташкил топган Норвегия ва Германия терма жамоалари мағлубиятга учратилди.
1939-йилдан эътиборан, Ўзбекистоннинг етакчи жамоалари, жумладан Тошкентнинг «Динамо», «ТОДО», «Спартак» каби футбол клублари Собиқ Иттифоқ биринчилги ҳамда мамлакат Кубоги ўйинларида, Б тоифасидаги спорт уста
... Читать дальше »
Манчестер Юнайтед» «Порту» ҳужумчиси Халкни ўз сафида кўрмоқчи. «Қизил иблислар» 24 ёшли бразилияликни Уэйн Рунининг ўрнига таклиф қилмоқчилар. Англия матбуотида ёзилишича, ҳозирда Рунининг бош мураббий Алекс Фергюсон билан алоқаси яхши эмас. Айни пайтда Уэйнни сотиб олиш истагида бўлган клублар етарли. Лекин уни қўлга киритиш учун 60 миллион фунт стерлингнинг баҳридан кечишга тўғри келади. Бу борада «Реал» етакчилик қилмоқда. Негаки, «МЮ» Рунини «Манчестер Сити» ёки «Челси»га сотмоқчи эмас.
Бундан ташқари, манчестерликлар «Атлетико» дарвозабони Давид де Хеага ҳам қизиқиш билдирмоқдалар. «Дейли Мейл»нинг хабар беришича, ушбу посбон учун «МЮ» 15 миллион фунт стерлинг тўлашга тайёр экан. Шунингдек, жамоа Эдвин ван Дер Сарнинг ўрнига «Марсель» дарвозабони Стив Манданданинг ҳам номзодини ўрганиб чиқмоқда.
ОФК президенти Муҳаммад бин Ҳаммам ФИФА президентлигига ўз номзодини қўйиш ёки қўймаслигини бугун маълум қилади. Мазкур лавозимга сайловлар шу йилнинг 31 май-1 июнь кунлари Швейцариянинг Цюрих шаҳрида бўлиб ўтади. Тахминларга кўра, бўлажак сайовларда ташкилотнинг амалдаги президенти Зепп Блаттерга айнан бин Ҳаммам рақиблик қилар экан. «Мени кўплаб конфедерациялар қўллаётганидан хурсандман. Аммо Европадаги вазият қандайлигидан бехабарман. Кўҳна қитъа футболнинг юраги ҳисобланади. Ўз номзодимни қўйишимдан олдин у ердаги вазият билан танишиб чиқишим лозим»,-деди бин Ҳаммам.
Қатарлик мутахассиснинг Англиядан овоз олиши тайин. Чунки инглизлар Блаттерга қарши овоз беришларини расман маълум қилишган.
Испания чемпионатида пешқадамлик қилаётган «Барселона» ўз таркибига янги ҳужумчиларни таклиф қилмоқчи.
«Ас» нашри тарқатган хабарларга қараганда, каталонияликлар янги мавсум олдидан бразилиялик Алешандро Пато («Милан») ва Нилмар («Вильярреал»)ни харид қилишлари мумкин.
Бироқ бу трансферларга Сеск Фабрегас халақит бериши ҳеч гап эмас. Яъни «Барса» «Арсенал»дан Испания терма жамоаси ярим ҳимоячисини сотиб оладиган бўлса, Пато ва Нилмарларнинг трансферлари амалга ошмайди. Биринчидан, Сеск жамоани жиддий тарзда кучайтиради. Иккинчидан, Фабрегасни Каталонияга қайтариш учун тахминан 30-50 миллион сарфлашга тўғри келади. Шундай экан, бошқа йирик трансферлар учун маблағ қолмайди.
Ҳужумчи Уэйн Руни "Марсел” устидан қозонилган ғалабадан сўнг ўз қувончи билан ўртоқлашди.
"Учрашув жуда қийин бўлди, аммо биз чорак финалга чиққанимиздан жуда ҳам хурсандмиз. "Марсел” футболчиларининг кўпчилиги бақувват, кучли йигитлар, аммо биз уларни ҳақли равишда мағлуб этдик. Рақиб кенг майдон бўйлаб харакат қилди ва жарима майдончамизга тўп оширишлар билан доим хавф солиб туришди, аммо биз яхши химояландик ва ўз меҳнатимиз билан ғалабани қўлга киритдик”.
Шунингдек, Руни жамоадоши Эрнандеснинг ўйини юқори баҳолаб ўтди:
"Эрнандес ажойиб чаққон ва тезкор. Мен ҳозирда деярли фаолиятимни бошлаганда ўйнаган позициямда тўп сурмоқдаман. Бахтимизга, Эрнандес – жарима майдончаси футболчиси. Бизнинг режамизолдинга ташланиш ва бир-иккитагол уриш керак эди. Биз шундан кейингина ўйин бироз тинчланишини билар эдик, фақатгина Браун автогол киритиб қўйган вазиятда бизнинг омадимиз келмай қолди, ҳолос”, - демоқда Руни.
Лондоннинг "Челси" клуби бош мураббийи Карло Анчелотти Чемпионлар лигасининг 1/8 финалида Даниянинг "Копенгаген" клубига қарши ўтказилган жавоб учрашувидан сўнг, ўз фикрларини билдириб ўтди.
Эслатиб ўтамиз, Копенгагенда ўтган илк учрашувда "Челси" 2:0 ҳисобида ғалаба қозонган бўлса, Лондонда ўтказилган жавоб учрашувида 0:0 ҳисоби қайд этилди ва Анчелотти шогирдлари кейинги босқич масаласини ҳал қилдилар.
"Бугун "Челси" у қадар яхши ўйин кўрсата олмади. Яратилган жуда кўплаб имкониятлардан ҳеч бўлмаганда биттасини голга айлантиришимиз шарт эди. Албатта биз кучли ўйин намойиш қилдик. Нима бўлган тақдирда ҳам, учрашув давомида бирор марта ҳам ўзимизга муаммо яратилишига йўл қўймадик. Рақиб бирорта ҳам хавфли вазиятга эга бўлмади ва бундан жуда ҳам хурсандман.
Футболчиларимиз ўз ишларига нисбатан жуда яхши муносабатда эканликларини кўрсата олдилар. Улар бутун диққат эътиборларини ўйинга қаратдилар. Биз чорак финалга чиқишни жуда хоҳлаган эдик. Ёдингизда бўлса, ўтган йили худди шу босқичдан ўтгандан сўнг, бахтдан йиғлаган эдик, бу йил бўлса, жуда ҳам бахтли эканимизни айтишим мумкин.
Жума куни бўлиб ўтадиган қуръа ташлаш маросимида "Барселона"га қарши майдонга тушишни хоҳламаган бўларди Сабаби, улар жуда ҳам кучли жамоа. Агарда, ихтиёр ўзимда бўлганида, "Манчестер Юнайтед" билан "Барселона"ни
... Читать дальше »
Чемпионлар лигасининг 1/8 финалида Мюнхеннинг "Бавария" ва Миланнинг "Интер" клублари ўртасида бўлиб ўтган учрашувдан сўнг, мюнхенликлар ярим ҳимоячиси Бастиан Швайнштайгер 2006 йили бўлиб ўтган "Зидан ва Матерацци" воқеасини эслаганди. Бунга Бастиан Швайнштайгер ва Марко Матераццилар ўртасида ҳам келиб чиққан жанжал сабаб бўлганди.
Учрашув тугаганидан сўнг, Матерацци ва Швайнштайгерлар ўртасида иҳтилоф келиб чиқади. Шундан сўнг, Бастиан афсонавий футболчи Зайниддин Зидан тўғри иш қилганини айтиб, Матераццини иғвогарликда айблаганди. Ўз навбатида бунга Матераццининг ўзи ҳам муносабат билдиришга шошилди.
"Швайнштайгер охирги икки ҳафта давомида турлича кўринишдаги баёнотлар беришдан чарчамади. У Мадриддаги мағлубият учун ўч олиш ниятида эканини қайта ва қайта такрорлади. Унинг айтишига қараганда, фақатгина "Милан"нинг футболчиларини юзидан танир экан. Энди у бизнинг юзимиз қанақа эканини ҳам билади.
Агарда кимдир иғвогарлик билан шуғулланган бўлса, у ҳам Швайнштайгер бўлади. Умуман, балки у менинг гапларимни иғво деб қабул қилгандир. Мен матбуот орқали қилинадиган чиқишларни ўйиндан олдин эмас, ғалаба қозонгандан сўнг қилган афзал дегандим", - дейди Матерацци.
Каталониянинг "Барселона" клуби ҳужумчиси Лионель Месси бу йил Чемпионлар лигасида ғолиб бўлишига умид қилишини айтмоқда.
Аргентина терма жамоаси ҳужумчиси яна Чемпионлар лигасида ғолиб чиқиш учун асосий даъвогар бўлган клубларни ҳам санаб ўтди.
"Чемпионлар лигасидаги курашимизни давом эттираётганимиздан жуда хурсандман. Нимчорак финалда Лондоннинг "Арсенал" клуби устидан ғалаба қозона олдик. Бу нарса ҳам осон кечмади. Ушбу ғалабадан сўнг, ўз кучимизга бўлган ишончни яна-да кўпроқ ҳис қилмоқдамиз.
Чемпионлар лигасида ғолиб чиқиши мумкин бўлган клублар сирасига ўзимизни, Мадриднинг "Реал" клубини ва "Челси"ни киритишим мумкин", - дейди Месси.
Англиянинг "Манчестер Юнайтед" клуби бош мураббийи Алекс Фергюссон бешта учрашувга дисквалификация қилинган. Клуб расмий сайти томонидан хабар қилинишича, шотландиялик мураббийга нисбатан бундай жазо қўлланилишига, ҳакамни ҳақорат қилгани сабаб бўлган.
Англия футбол ассоциацияси "Манчестер Юнайтед" клуб бош мураббийини Англия чемпионатида "Челси" клубига қарши ўтказилган учрашувни бошқарган ҳакам Мартин Аткинсоннинг шаънига оғир гапларни айтгани учун жазолашга қарор қилган. Фергсюссоннинг наздида, Аткинсон манкунианликлар дарвозасига ноҳақ пенальти белгилаган, Неманья Видични ноўрин майдондан четлатган ва Уэйн Рунига нисбатан қўполлик қилган Давид Луисни етарлича жазоламаган экан. Шу сабабли ҳам, шотландиялик мураббий ҳақоратли сўзларни ҳакам шаънига ёғдирган эди.
Шотландиялик мураббийнинг Мартин Аткинсонга берган "тавсифномаси"да ожиз ва нотавон, адолатсиз ҳакам, каби таърифлар бор эди. Табиийки, бундай "мурожаат" на ҳакамга ва на Англия футбол ассоциациясига ёқмади. Шу тариқа, мураббий бешта ўйинга заҳира ўриндиғидан четлатилди ва қўшимчасига 30 минг фунт стерлинг миқдорида жарима тўлайдиган бўлди.
Ушбу дисквалификация премьер лига ўйинлари билан биргаликда Англия Кубоги
... Читать дальше »
