"Челси” клуби бош мураббийи Карло Анчелотти "Манчестер Сити”га қарши ўйиндан олдин ўз фикрлари билан ўртоқлашди. Анчелотти "Челси” бош мураббийига айлангандан бери ҳали бирон марта "Шаҳарликлар”дан устун кела олмаган.
"Челси” бош мураббийи сифатида иш бошлаганимдан бери "Манчестер Сити”га қарши барча учта учрашувда мағлубиятга учраганимиз сабаблари қарши ҳужумларни ўтказиб юборганимизда”, - деб сўз бошлади италиялик мутахассис.
– "Ман Сити” бу якшанба ҳам ана шу тактикада ўйнашга ҳаракат қилиб кўради. Бу жамоа қарши ҳужумларда жуда ҳавфли ҳисобланади. Ўз ўйинимизни кўрсатган ҳолда ўтган хатоларни такрорламасликка уринамиз”.
"Ғалаба учун ўйинга бор кучимизни, барча истеъдодимизни ва тўлиқ ишончимизни сарфлашга тўғри келади”.
«Милан» президенти Сильвио Берлускони афсонавий футболчи Паоло Мальдинини жамоага қайтариш мақсадида эканлигини айтиб ўтди. «Биз уни клубга қайтариш ҳақида ўйлаяпмиз. Паолони клуб директори лавозимига таклиф этиш ниятимиз бор»,-деди Берлускони. 42 ёшли Паоло Мальдини 2009 йилда футболчилик фаолиятини якунлаган. Бунгача у «Милан»да 25 йил тўп сурган. Олдинроқ уни «Челси» устози Карло Анчелотти ўзининг мураббийлар штабига таклиф қилганди. Аммо Малдини рад жавобини берган.
Нуфузли «Олтин тўп» совринини 2 йилдан бери ҳеч кимга бермай келаётган Лионель Мессининг чапақай ўйин услуби ҳар бир футбол мухлисига яхши таниш. Энди худди шу услубни ўнг оёғи билан амалга оширадиган футболчини тасаввур қилиб кўринг...
Хўш, шундай ўйинчи борми? Миланнинг «Интер» клуби ишқибозлари бу саволга бир овоздан «Бор», дея жавоб қайтаришади. Тўғри, ҳозирча у аргентиналик касбдоши каби машҳурлик довонларини забт этгани йўқ. Лекин яқин йиллар ичида ҳеч бўлмаганда, Месси савиясига яқинлашиб олиши учун унда асослар етарли. Марҳамат, танишинг: ёш иқтидор соҳиби Филиппе Коутиньо!
Бразилиянинг «Васко да Гама» клуби ҳеч қачон жаҳон миқёсидаги иқтидорлар ўчоғи бўлишга даъвогарлик қилган эмас. Таниқли юлдузлар қаторидан ўрин олган биргина Жуниньо Пернамбуканони эслаш мумкин. Бу таниқли футболчини айнан шу жамоа тарбиялаб, вояга етказган. Бироқ машҳур тарбияланувчилар рўйхати шу билан якунига етганди. Бугунги кунда Филиппе Коутиньо европалик скаутлар учун «Васко да Гама»га йўл очган биринчи футболчи бўлиб турибди. Жажжи Филиппе Рионинг айнан шу туманида ўсиб-улғайди. Айнан шу ердан мутахассислар уни «кўҳна қитъа»га чорлашди. Албатта, буларнинг ҳаммаси бир кунда ва бирданига юз бергани йўқ.
Ёшлар жамоасидаги 10 йиллик тер тўкишлар беҳуда кетмади. Жуда тез ўсиб бораётган болакай тимсолида мураббийлар б
... Читать дальше »
Чемпионлар лигасининг 2-тур учрашувлари Японияда юз берган кучли зил-зила ва цунами оқибатида қурбон бўлганлар хотираси ва уларнинг яқинлари учун бир дақиқалик сукут билан бошланди.
Кўнгилсиз воқеадан жабр чекканлар, уларнинг оила аъзолари ва яқинларига ОФК Президенти Муҳаммад Бин Ҳаммам ўзининг чуқур ҳамдардлигини билдирди.
"Японияда ўз оила аъзолари ҳамда дўстларидан айрилган барча жабрдийдаларга ОФК чуқур ҳамдардлик билдиради. ОФК бутун Япония Футбол Оиласи билан бирга”, - дейилади қитъамизнинг энг юқори футбол уюшмасидан келган мактубда.
Муҳаммад Бин Ҳаммамнинг ушбу мурожаати 2-тур доирасидаги "Бунёдкор” ва Жидданинг "Ал-Иттиҳод” клублари учрашувидан олдин бўлган бир дақиқалик сукут вақтида "ЖАР” стадиони таблосида ўзбек, рус ва инглиз тилларида акс эттирилди. Шу онда "Бунёдкор” ишқибозлари япониялик дўстлари ва қадрдонларини "We with you, Japan!” ("Биз Сен билан, Япония!”) деб ёзилган баннерлар билан қўлладилар.
- Юз берган мудхиш воқеликдан жуда-жуда афсусдамиз. Ўз яқинларидан айриилиш инсон учун бу дунёдаги энг оғир жудоликдир. Биз барча Япония халқи билан чуқур қайғудамиз, - дейди "Бунёдкор” фан-клуби сардори Абдураҳмон Фозилов.
"Atletiko Madrid" hamda "Real Madrid" o'yini oldidan "Blancos"larning ispaniyalik himoyachisi Raul Albiol "Bwin" portaliga qisqacha intervyu berdi.
"Ushbu mavsumda "Atletiko Madrid"ga qarshi uchrashuvlarimiz muvaffaqiyatli yakunlanmoqda. Dastlab ularni birinchi davrada mag'lub etgandik. Keyinchalik "Qirol kubogi" bahslarida ikki marta g'alaba qozondik. Shuning uchun ular navbatdagi uchrashuvda g'alab qozonmoqchilar, bu hech kimga sir emas. Chempionlik uchun kurashimizni davom ettirish uchun "Visente Kalderon"da g'alaba qozonishimiz shart."
"Forlan va Aguero boshchiligidagi "Atletiko"ning hujum chizig'i juda kuchli. Bundan tashqari jamoadagi boshqa o'yinchilarni ham yoddan chiqarmaslik kerak. Shu sababli biz uchrashuv davomida hushyor tarzda harakat qilishimizga to'g'ri keladi.
"O'tgan haftada "Kastilya" "Atletiko-B"ni 4-3 hisobida mag'lub etgandi. Ammo kattalar bahsida bunday hisob bo'lmasligini, aksincha qulayroq hisob qayd etilishini hohlardim. Sababi uchrashuvda haqiqatda ko'p kuch sarflashimizga to'g'ri keladi. Eng muhimi uchrashuvda g'alaba qozonishimiz. Qanday hisobda g'alaba qozonishimizning esa unchalik ham ahamiyati yo'q."
«Анжи» сардори, бразилиялик таниқли ҳимоячи Роберто Карлос «СЭ» нашри мухбири билан суҳбатда дебют ўйинидаги таассуротлари ҳақида гапириб берди.
- Махачқалъада маҳаллий мухлислар илиқ кутиб олишганидан беҳад ҳайратландим,-деди у суҳбат аввалида. - Қолаверса, ўйиндан олдин, унинг давомида ва финал ҳуштаги янграганидан сўнг ҳам ишқибозлар қўллаб-қувватлашларини ҳис қилиб турдик, ҳатто ғалаба қозонолмаганимизга қарамай.
- Махачқалъадаги икки кун давомида мухлисларга қанча дастхат улашдим, деб ўйлайсиз?
- Ҳисоб-китоб қилмадим. Лекин жуда кўп. Айтмоқчи, наинки мен, балки бош-қа жамоадошларим ҳам ишқибозларга дастхат беришди. Кўриниб турибдики, бизнинг жамоамизга, умуман, республикада футболга қизиқиш кучли.
- Доғистонлик ишқибозлар қандай экан?
- Улар бразилияликларга ўхшашаркан. Худди ҳамюртларим каби тинмай, шовқин чиқариб ишқибозлик қилишаркан. Худди шундай мухлисликка «Палмейрас» ва «Коринтианс» трибуналарида гувоҳ бўлганман. Фақат бу клубларнинг стадионлари каттароқ.
- Мана, 20 йилдирки, катта футболдасиз. Сиз билан суратга тушиш ихлосмандлари кўплигидан чарчамадингизми?
- Йўқ, нималар деяпсиз? Бу касбимнинг бир бўлаги. Агар одамлар эсдалик учун ме
... Читать дальше »
Барселона" мураббийлари ҳакамлар хатоси ҳақида гапирмайдилар!
Хосеп Гвардиола "Барселона" клубининг амалдаги бош мураббийи
Яқинда Англияда қизиқ воқеа юз берди. Дунёга машхур икки шарҳловчининг бири ҳисобланган машхур Энди Грей жонли эфир микрофонини ўчиришни унутиб, ён чизиқдаги ҳакамни асоссиз жуда қаттиқ танқид қилди. Бунинг учун жазоланди ҳам. Дунёнинг энг бой ва шиддатли чемпионати ҳисобланган Англия премьер лигасида юз берган мазкур катта жанжалдан сўнг, "SkySports" компанияси мазкур шарҳловчини ишдан бўшатишга қарор қилди. Жуда ҳам катта обрўга эга Энди Грей Премьер лиганинг 24-тур ўйинлари доирасидаги "Вулверҳемптон"-"Ливерпуль" учрашувида ён чизиқда ҳакамлик қилган Шон Мессини асоссиз танқид қилди.Ўйин 3:0 ҳисобида Ливерпуль фойдасига ҳал бўлди, аммо энг қизиғи таймлар оралиғидаги танаффус вақтида ва финал ҳуштагидан сўнг юз берди. Телешарҳловчи Грей ва унинг ҳамкасби Ричард Кейс, микрофонни ўчиқ деб ўйлаб, жуда қўпол равишда Шоннинг ишини танқид қилиб, уни футбол қоидаларини билмасликда асоссиз айблади. Бундай айблов ва ҳақоратлар, сўнгги вақтларда мураббийлар орасида айниқса кенг тарқалди. Европада ҳам, Осиёда ҳам, Ўзбекистонда ҳам бир ҳил ашула. Мағлубият аламига саундтрек сифатида ҳакамлар ҳақидаги қўшиқ куйланмоқда. Чемпионатимизнинг 2-туридаёқ мураббийлар катта саҳнага чиқишни
... Читать дальше »
Киевнинг "Динамо" клуби ҳужумчиси Андрей Шевченко собиқ жамоаси бўлмиш Лондоннинг "Челси" клуби ҳақидаги фикрларини оммавий ахборот воситаларига билдириб ўтди. Унда украиналик футболчи яқинда лондонликлар сафига қўшилган Фернандо Торрес ҳақида ҳам сўзлаган. Испаниялик ҳужумчи "Челси"га катта маблағ эвазига ўтган бўлса-да, ҳеч ҳам ўз ўрнини топа олмаяпти.
"Фернандо Торрес жамоага мослашиб кетиши учун вақт керак, деб ўйлайман. У жуда яхши ҳужумчи, аммо бирданига тушган улкан босим остида ҳеч ўзига кела олмаяпти. Фақат шугина унинг "Челси"да ўйнаб кетишига ҳалал бермоқда.
"Ливерпуль"дан жуда катта маблағ эвазига "Челси"га ўтганидан сўнг, ундан фақат мўъжиза кутмоқдалар. Табиийки, бундай вақтда футболчида ҳаяжон кучли бўлади. Унга ўз кучига бўлган ишонч ва совуққонлик етишмаяпти", - дейди Шевченко The Independent нашрига берган интервьюси вақтида.
Англиянинг "Тоттенхем" клуби ярим ҳимоячиси Рафаэль ван дер Варт Чемпионлар лигасининг чорак финал босқичида собиқ жамоаси — Мадриднинг "Реал" клубига қарши тушгани муносабати билан ўз фикрларини билдириб ўтди. Футболчининг айтишича, собиқ жамоасига қарши ўйнаш уни жуда хурсанд қилган экан. Қуръа натижаларидан жуда мамнун бўлган футболчи, Мадридда ўтказган дамларини эслайди.
"Қуръа натижаларидан жуда хурсанд бўлдим. Бизга айнан "Реал" тушишига умид қилгандим, сабаби шунда яна бир бор Мадридга бориш имконияти пайдо бўларди. У ерда жуда кўп дўстларим қолган ва уларни яна бир бор кўришдан жуда хурсанд бўламан. Бизни ўта муҳим учрашув кутиб турибди. Биринчи учрашув сафарда ўтиши биз учун яхши ҳолат Шундай экан, барчасидан кўнглим тўлмоқда.
"Сантьяго Бернабеу" — фантастик ўйингоҳ. У ерда ажойиб майдон бор, ўйингоҳга 90 000 мухлис кетади. Бу ўйингоҳда ўйнар экансиз, ўзингизни ажойиб ҳиссиётлар оғушида ҳис қиласиз. У ерда икки йил давомида тўп сурдим ва бу иш менга жуда ёқарди. Шу сабабли ҳам, "Сантьяго Бернабеу"га яна бир бор қайтиб боришдан хурсандман.
Энди бизга ҳеч қандай босим юкланмаган. Шунчаки, ўз ўйинимизни кўрсатиб берсак кифоя. Ишончим комилки, бизда ғолиб чиқиш учун ба
... Читать дальше »
