Мюнхеннинг "Бавария" клуби ярим ҳимоячиси Арьен Роббен Германия бундеслигасининг 26-тур баҳсларида "Гамбург" дарвозасига учта тўп киритганидан сўнг ОАВ вакилларига интервью берди. Футболчи ўзи қайд этган натижадан хурсанд эканлигини таъкидлаб ўтди. Футболчининг сўзларига кўра, жамоа футболчилари кейинги учрашувларда фақат ғалаба учун майдонга чиқишлари лозим экан.
"Дортмунднинг "Боруссия" жамоасини бу турда мағлуб бўлганини тезда унитишимиз лозим. Биз умуман бошқа жиҳатга эътиборимизни қаратишимиз талаб этилади. "Гамбург"га қарши учрашувда бутун жамоа ҳамжиҳатликда ҳаракат қила олишди. Энди биз мавсумнинг қолган қисмида бир очко ҳам йўқотмаслигим шарт. Шунда жамоамиз учун ҳаммаси яхши бўлишига ишончим комил", дея футболчининг сўзларидан иқтибос келтириб ўтди, "Бавария" клуби расмий сайти.