Лондоннинг "Арсенал” клуби Германия миллий терма жамоаси собиқ дарвозабони Йенс Леманн билан қисқа муддатли битим имзоламоқчи, – дея хабар беради "Скай Спортс” нашри.
"Арсенал”нинг польшалик дарвозабонлари Войцех Щесни ва Лукаш Фабианскилар жароҳати туфайли ҳамда италиялик дарвозабон Вито Манноне "Халл Сити” клубига ижарага берилгани бунга сабаб бўлмоқда. "Канонир”ларнинг испаниялик давозабони эса ҳар доим ҳам барқарор ўйин кўрсата олмаяпти.
Муаммоли вазиятни йўққа чиқариш учун "Арсенал” бош мураббий Арсен Венген Леманн билан 6 хафталик келишув имзолашга тайёр экан. Леманн "канонир”лар билан 200 ортиқ ўйин ўтказган бўлсада, фаолиятини узайтирмаслик ҳолати ҳеч қачон юз бермаган. "Ҳозир мен Лондондаман, аммо ҳозирча мен ҳақимда қизиқишаётгани тўғрисида ҳеч нарса эшитганим йўқ. Кейинчалик нима юз беришини олдиндан билиб бўлмайди”, - дейди 41 ёшлик дарвозабон.
Леманн 2010 йил спортдаги фаолиятини якунлаганлигини эълон қилган эди. Леманн Германия миллий термаси таркибида 61 та ўйин ўтказиб, Жаҳон чемпионатининг кумуш ҳамда бронза медалларини қўлга киритган
