Бугун, Швейцариянинг Ньон шаҳридаги УЕФА ташкилотининг қароргоҳида Чемпионлар лигаси ва Европа лигасининг чорак ва ярим финал учрашувларига қуръа ташлаш маросими бўлиб ўтади. Бу босқичда мазкур Еврокубоклардаги жамоалар учун саралаш қутилари бўлмайди. Бир давлатнинг икки жамоаси ўзаро рўбарў келиб қолиши мумкин.

Чемпионлар лигасининг қуръаси Тошкент вақти билан соат 16.00 да бошланади. Унда "Тоттенхэм", "Манчестер Юнайтед", "Челси" (барчаси – Англия), "Барселона", "Реал" (иккиси ҳам – Испания), "Шальке-04" (Германия), "Интер" (Италия), "Шахтёр" (Украина) клублари ўз рақибларини билиб олишади.

Европа лигасининг чорак ва ярим финали учун қуръа ташлаш маросими Тошкент вақти билан соат 17.00да бошланади. Унда "Бенфика", "Брага", "Порту" (барчаси — Португалия), "Твенте", ПСВ Эйндховен (иккиси ҳам — Голландия), "Динамо" (Киев, Украина), "Спартак" (Россия), "Вильярреал" (Испания) клублари кейинги босқичда кимга тушишлари маълум бўлади.

Манба: www.uff.uz