Главная » 2011 » Март » 16 » Мальдини «Милан» директори бўлиши мумкин
14:14
Мальдини «Милан» директори бўлиши мумкин
Италиянинг "Милан" клуби президенти Сильвио Берлускони "россонерр"ларнинг афсонавий футболчиси Паоло Мальдинининг жамоага қайтишига умид қилмоқда. Миланликлар президенти Мальдинига клуб директорлиги лавозимини таклиф қилишни мўлжаллаб турган экан.
"Биз Паолони клубга қайтариш устида бош қотирмоқдамиз. Уни клуб директори лавозимига таклиф этиш ниятимиз бор", - дейди Берлускони ўзининг "Милан" бошқарувига 25 йил бўлгани муносабати билан ўтказилган байрам йиғинида.
Эслатиб ўтамиз, айни вақтда 42 ёшга тўлган Паоло Мальдини 2009 йилда футболчилик фаолиятига якун ясаганда ва клубда кетганди. Футболчи 25 йил мобайнида фақат битта клуб — "Милан" шарафини ҳимоя қилиб келди. "Милан"нинг учинчи рақамли футболкаси умрбод Мальдини учун ажратилган.
Шунга қарамасдан, Мальдини клуб бошқарувида фаолиятини бошламаслиги ҳам мумкин. Сабаби, афсонавий футболчи ва клуб хўжайини Сильвио Берлусконилар ўртасидаги муносабатларни у қадар яхши деб бўлмайди. Бундан аввал ҳам Мальдинига бир неча бор клуб бошқарувида иш таклиф қилган эдилар. Бироқ, собиқ футболчи нафақат бу таклифларни қабул қилган, балки матбуот орқали қилган чиқишлари вақтида Берлускони шаънига баъзи гапларни ҳам айтган эди. Бироқ, яқинда Мальдини томонидан берилган интервьюда, "Милан"да ишлаш орзуси борлигини ҳам таъкидлаб ўтганди.