Куни кеча, Чемпионлар лигасининг 1/8 финалида, "Бавария" ва "Интер" клублари ўртасида бўлиб ўтган жавоб учрашувидан сўнг, Бастиан Швайнштайгер 2006 йили бўлиб ўтган машҳур можаро борасида ўз фикрларини билдириб ўтди.
Гап шундаки, баҳс тугаганидан сўнг, Марко Матерацци Бастиан Швайнштайгернинг олдига яқинлашиб келган ва уни ҳақорат қилган. Шундан сўнг, германиялик футболчи Матераццини атайлиб жанжал чиқармоқчи бўлганликда айблаб чиқди.
"Ўйин тугаганидан сўнг, Матерацци ёнимга яқинлашиб келди ва мени ҳақорат қилди. Ҳамма унинг қандай ичи қора инсон экани ва жанжалга ўчлигини яхши билади. Зиданнинг нима учун бундай йўл тутганига энди тушунмоқдаман", - дейди футболчи.