Главная » 2011 » Март » 14 » Уэйн Руни: “Валенсия – ҳар қандай топ клубнинг орзуси”
15:51
Уэйн Руни: “Валенсия – ҳар қандай топ клубнинг орзуси”
"Манчестер Юнайтед” ҳужумчиси Уэйн Руни эквадорлик ярим ҳимоячи Антонио Валенсиянинг сафга қайтганлигидан нихоятда хурсанд эканлигини айтиб ўтди.
Эслатиб ўтамиз, Валенсия 6 ойлик танаффусдан кейин шанба куни "Арсенал”га қарши кубок бахсида майдонга чиқди ва иккинчи бўлимни жамоа билан тўлиқ ҳолда ўтказди. Шуни айтиб ўтиш жоизки, Валенсия-Руни жуфтлиги премьер лиганинг энг кўп натижага эришган жуфтликларидан бири эди.
"Антонио жуда узоқ ва қийин тикланиш босқичини босиб ўтди. Унинг "Арсенал”га қарши бахсда майдонга қайтиши, унинг майдонга қайтиши учун идеал учрашув бўлди десам янглишмаган бўламан”.
"Мен уни майдонга қайтганидан қанчалик хурсандлигимни сўз билан таърифлай олмайман. 6 ойлик танаффусдан сўнг биринчи марта майдонга чиққан бўлсада, унинг ўйини ажойиб бўлди. Унга қараб туриб, уни ҳатто жароҳат олмаган деб ўйлаш мумкин. Унинг майдонда ўтказган 45 дақиқаси жуда ажойиб кечди”.
"Бизда шунақа футболчи борлигидан жуда бахтиёрман. Валенсия – ҳар қандай топ клубнинг орзуси”, - демоқда Руни.