Рио Фердинанд апрелгача сафдан чиққан, Луиш Нани бўлса "Марсел”га қарши жавоб учрашувигаёқ майдонга тушиши ҳам мумкин.

Англия терма жамоаси сардори бу мавсум "Юнайтед” биринчи марта мағлубиятга учраган учрашув "Вулврхэмптон”га қарши бахс олдидан бўлган машғулотларда жароҳат олгандан бери майдонга туша олмайди.

Луиш Нани бўлса фақатгина "Арсенал”га қарши бахснигина ўтказиб юборди, бунга сабаб, "Ливерпул”га қарши бахсда Джемми Каррагер унга жароҳат етказган эди.

Сэр Алекснинг сўзларига кўра, Рио Фердинанд 26 март куни бўлиб ўтадиган Англия-Уэлс ўртоқлик учрашувида ҳам терма жамоасига ёрдам бериш учун майдонга чиқишга тайёр эмас, Нани эса хатто "Марсел”га қарши жавоб бахсида ҳам майдонга чиқиши мумкин.

Фердинанднинг жароҳати тузалгандан кейин ўтказадиган биринчи учрашуви иккинчи апрель куни Премьер лига доирасида "Вест Хэм”га қарши бўлиши мумкин.

"Рио машғулотларда ишламоқда. Аммо ҳозирда унинг формаси ҳали аъло даражада эмас.Умид қиламан, у апрелда майдонга қайта олади”.

"Фердинанддек футболчини йўқотиш аламли албатта.Шунинг учун унинг майдонга қайтишини интизорлик билан кутяпман”.

Фергюсон шунингдек, Нани бўйича ҳам тўхталиб ўтди:

"Нани яхшигина тикланиш ишларини олиб борди. У ҳозирда спорт формасини тиклаш учун ёрдам берадиган машқларни бажармоқда. Умид қиламан, у сешанба куни тайёр бўлади”.

Манба: manutd8.com