"Кўҳна синьора" ёзги трансфер мавсуми давомида жамоани янгидан шакллантириш ташвишига тушиб қолган. Айниқса, бу ўринда жамоа ярим ҳимоясини мустаҳкамлаш кўзда тутилган. Бироқ, Сами Хедиранинг мадридликлар билан тузган шартномаси 2015 йилга қадар давом этиши белгилаб қўйилган. Шу сабабли, германиялик футболчини сотиб олиш учун "Ювентус"га анча пулидан воз кечишига тўғри келади.
Эслатиб ўтамиз, Сами Хедира "Реал"га Германиянинг "Штутгарт" клубидан 2010 йилнинг ёзида келиб қўшилган эди. Ўтаётган мавсумда "Реал" клуби сафида Испания чемпионатининг 22 та учрашувида майдонга тушган.
Хабарингиз бор, 16 март куни "Бунёдкор” Чемпионлар лигаси доирасида Саудия Арабистониниг "Ал-Иттиҳод” клубини қабул қилади.
ОФК ушбу учрашувга япониялик ҳакамлар гуруҳини тайинлаган эди. Кучли зил-зила ва цунамининг таъсири оқибатида "Бунёдкор” – "Ал-Иттиҳод” учрашувининг тўртинчи ҳаками Рюжи Сато Тошкентга кела олмаслиги маълум бўлди. Унинг ўрнига қирғизистонлик Тимур Файзуллин тайинланди.
Каталониянинг "Барселона" клуби бош мураббийи Хосеп Гвардиола Испания чемпионатининг 28-тур учрашувларида Андалусиянинг "Севилья" жамоасига қарши кечган учрашувдаги 1:1 ҳисобидаги дуранг натижадан сўнг, ўз фикрларини билдириб ўтди. Мураббий жамоасидаги футболчиларнинг ҳаракатларидан кўнгли тўлганини эътироф этиб ўтган.
"Биз бугун жуда кучли жамоага қарши майдонга тушдик. "Севилья" клуби Испания биринчилигида қатор йиллардан буён ажойиб ўйин намойиш этиб келмоқда.
Биринчи бўлимда бажарган ишимиз ҳажмига қарши ўлароқ, жуда кам натижага эришдик. Иккинчи бўлимда эса, тезкор гол ўтказиб юборишга мажбур бўлдик. Айниқса, "Севилья" таркибида Канутенинг пайдо бўлиши, рақибимизнинг ўз кучига бўлган ишончини ошириб юборди. Айнан шу нарса андалусияликларга биринчи бўлимда етишмай турганди. Кануте ўйинга туширилгандан сўнг, "Севилья"нинг ўйини ўнгланда ва қарши ҳужумларда ҳам ажойиб ҳаракат қила бошлади.
Умумий ҳисобда оладиган бўлсак, бугунги учрашувдан кўнглим тўлди. Чунки, Чемпионлар лигасида ҳам тўп сурганимизга қарамасдан, жуда яхши ўйин намойиш эта олдик.
Мессининг бекор қилинган голи? Ҳакамлар ҳар доим ҳам тўғри қарор қабул қилишга ҳаракат қиладилар", - дейди мураббий Marca нашрига берган интервьюси вақтида.
Лондоннинг "Арсенал" клуби бош мураббийи Арсен Венгернинг айтишига қараганда, голландиялик дарвозабон Эдвин ван дер Сар фаолиятини якунлайдиган бўлса, "Манчестер Юнайтед" клубига қийин бўлар экан. Манкунианликлар унинг ўрнига муносиб номзод топа олмаслигига Арсен Венгер ишонар экан.
"У сайёрамизнинг энг яхши дарвозабонларимиздан биридир. Агарда ван дер Сар фаолиятини тугатадиган бўлса, "Манчестер Юнайтед" унинг ўрнига кимни сотиб олишидан қатъий назар, янги ва эски дарвозабон ўртасидаги фарқни ҳис қилиши аниқ. Сабаби, ундагидек улкан тажриба бошқа ҳеч кимда йўқ. Ван дер Сардаги иқтидор мутлақо ўзгачадир", - дейди Венгер "Арсенал"нинг расмий сайтига берган интервьюсида.
"Манчестер Юнайтед” ҳужумчиси Уэйн Руни эквадорлик ярим ҳимоячи Антонио Валенсиянинг сафга қайтганлигидан нихоятда хурсанд эканлигини айтиб ўтди.
Эслатиб ўтамиз, Валенсия 6 ойлик танаффусдан кейин шанба куни "Арсенал”га қарши кубок бахсида майдонга чиқди ва иккинчи бўлимни жамоа билан тўлиқ ҳолда ўтказди. Шуни айтиб ўтиш жоизки, Валенсия-Руни жуфтлиги премьер лиганинг энг кўп натижага эришган жуфтликларидан бири эди.
"Антонио жуда узоқ ва қийин тикланиш босқичини босиб ўтди. Унинг "Арсенал”га қарши бахсда майдонга қайтиши, унинг майдонга қайтиши учун идеал учрашув бўлди десам янглишмаган бўламан”.
"Мен уни майдонга қайтганидан қанчалик хурсандлигимни сўз билан таърифлай олмайман. 6 ойлик танаффусдан сўнг биринчи марта майдонга чиққан бўлсада, унинг ўйини ажойиб бўлди. Унга қараб туриб, уни ҳатто жароҳат олмаган деб ўйлаш мумкин. Унинг майдонда ўтказган 45 дақиқаси жуда ажойиб кечди”.
"Бизда шунақа футболчи борлигидан жуда бахтиёрман. Валенсия – ҳар қандай топ клубнинг орзуси”, - демоқда Руни.
The Mail on Sunday нашри хабарларига кўра, "Юнайтед" ярим ҳимоячиси Луиш Нани жароҳати кутилмаганда тез равишда тузалмоқда ва футболчи келаётган шанба куниёқ премьер лига бахсида "Болтон"га қарши майдонга тушиши мумкин. "Ливерпул"га қарши ўтган учрашувда футболчи Каррагер билан тўқнашувда жароҳат олгандан сўнг аввалига бир ойча майдонга туша олмаслиги ҳақида гапирилаётган эди.
"Нани жароҳати катта прогрессларда тузалмоқда. У ҳали машғулотларга киришмаган бўлсада, енгил машқларни бажармоқда. Бу эса унинг тикланиш жараёнини янада тезлаштирмоқда", - деб айтиб ўтди сэр Алекс Фергюсо
